Podcast: Play in new window | Download
Gaurko irratien tartean, bi asteartez behin bezalaxe, bi lagu izan ditugu: Halabediko irratiko esatari Jon Aranburu, batetik; eta Esan Erran irratiko esatari Lur Gil, bestetik. Lehenak Gasteizen emakumezko bikotekideari eraso egitea egotzita atxilotu duten gizonaren kasua aipatu digu, hasteko. Baita Salburuako hezegunean egin asmo duten saltoki handiaren proiektuak nahiz Añanan eraiki nahi luketen urtegiak eragindako kritikez ere. Gilek, berriz, euren bailaretan zenbait lapurreta izan direla nabarmendu du lehenik. Jarraian, Imotzen herritarren zerbitzura jartzeko zenbait eraikinetan egindako konponketak aipatu ditu; baita Odieta eta Atetz arteko Santurbe baselizaren konponketetan topatu dituzten elementu historikoak ere.
