BERRIAK

Ikasturtea hastearekin batera hainbat ikastaro ere hasi dira. Bizkaiko Urtxintxa Eskolak, astialdiko begirale eta zuzendari ikastaroetarako izen emateak ireki ditu. Amagoia Osinaldek azaldu dizkigu ikastaroen nondik norakoak, lantzen diren baloreak, eta baita hezkuntza ez formalak duen garrantzia ere, besteak beste. Entzun hemen!  

irakurri gehiago →

Asteburuan irakurgai izango dugun Gaur8aren aurrerapena egiteko, Xabier Izaga kazetaria hurbildu da estudioetara. Landu dituzten hiru erreportaje eta elkarrizketa ekarri ditu Zebrabidera. Eskoziako hauteskundeen testuinguruan egungo egoeraren ingurukoa, emakumeek iratze lanetan egindakoen ingurukoa, eta amaitzeko, Gorka Otsoa de Alda artistari egindako elkarrizketa. Entzun hemen!  

irakurri gehiago →

Ostiraletako irratien tartean egin ohi dugun bezala, kultur erreportaje bat ekarri dugu Antxeta irratiaren eskutik. Miarritzen asteotan ikusgai dagoen “Egak” erakusketari buruz hitz egin du Maia Muruagak  Iker Valle margolari eta zizelkariarekin, Miarritzeko Santa Eugenia elizpean urriaren 18a arte Anne Broitman, Marithé, Alberto Letamendi eta Iker Valleren obrak baitaude ikusgai. Entzun hemen!  

irakurri gehiago →

Lesbosen egun bizi den egoera ezagutzera jo dugu Zaporeakeko Malen Garmendia Gomezen eskutik. Moriako sutearen ondoren kanpamendu berrian bizi dena azaldu digu, eta Europar Batasunak beste alde batera begiratzen duela salatu ere. Emergentzia egoera honetan janari bilketa bat abiatu du Zaporeakek, irailaren 25 eta 26an izango dena. Hemen aurki ditzakezue bilketa puntuak: labur.eus/zaporeakbilketapuntuak Hemen entzungai Malenekin […]

irakurri gehiago →

Koolturrek 10 urte

24 iraila, 2020 | 0 Komentarioak

Arrasateko Koolturrek 10 urte betetzen ditu. Iker Barandiaran izan da Txapa irratian. Entzun hemen!  

irakurri gehiago →

Bilboko kronika egin dugu Bilbo Hiria irratiko Ane Zabalaren eskutik. 30 kilometro orduko abiadura muga ezarri izanak sortu dituen erreakzioak azaldu dizkigu, batetik. Baita Bilboko hainbat jantokitan (eta bereziko Tibolin) dagoen egoeraz ere aritu gara; eta amaitzeko, udal plenoan zergak izozteko hartutako erabakia eta horren aurrean alderdiek izandako posizioak kontatu dizkigu, besteak beste. Entzun hemen! […]

irakurri gehiago →

Aste honetan estreinatu da Zinemaldiaren baitan Non dago Mikel? filma, Mikel Zabalzaren kasua eta torturatuak izan diren beste hainbaten lekukotzak jasotzen dituena. Memoria historikoan sakontzeko, eta bertsio ofizialetik harago, egia, justizia eta erreparazioa aldarrikatzeko lana, besteak beste. Irati Irratiko lagunek Amaia Merino eta Piturekin hitz egin dute filmaren inguruan. Entzun hemen!  

irakurri gehiago →

Asteazkenero bezala, Argiaren tartea izan dugu, eta Axier Lopezek aurreratu dizkigu aste honetan landu dituzten hainbat gai. Kanaky herriako historia jasotzen duen erreportajea azaldu digu, laster izango baitute independentzia erreferenduma. Adimen artifizialaren atzean dagoen lanaren inguruko artikuluaz ere hitz egin dugu. Eta amaitzeko “M” trilogiaren bigarren liburuaz egindako erreportajeaz, faxismoaz, eta Mussoliniz. Entzun hemen!  

irakurri gehiago →

Ultzamaldeko kronika egin dugu Esan Erran irratiko Itziar Perez Argomanizen eskutik. Esan Erranen denboraldi berriaz aritu gara, ikasturtea hasteko irrati-tourra antolatu baitute astebururako. Honekin batera, Egun Ero saioaren berrikuntzak ere azaldu dizkigu. Etxeko kontuak alde batera utziz, ostiral kulturalak bueltan direla aipatu digu. Nafarroako Lokotx bilketa txapelketan Ainhoa Iraizoz ultzamarraren postuaren berri eman digu, eta […]

irakurri gehiago →

MARI2 NIRI5 | Biluztasuna

22 iraila, 2020 | 0 Komentarioak

Hilabetero izango da aurten ere Zebrabidean Oilar, Mari2 Niri5 kolaborazioan identitate eta gorputzekin loturiko hainbat gairen inguruko hausnarketak uhinetara ekartzeko. Oraingo honetan, biluztasuna hartu dugu hizpide. Zer sinbolizatzen du arropak? Gorputz biluziak ahalduntzerako tresna izan daitezke? Honelako galderei buruz aritu gara kontu kontari. Entzun hemen!

irakurri gehiago →