Xabier Crehuet

MIKROAREN BI ALDEAK – Xabier Crehuet kantautoreak inoizko elkarrizketa bereziena eskaini du

Published On 24 uztaila, 2020 | By Mikroaren bi aldeak | Mikroaren bi aldeak

Ez da gutxi ezagutzen delako, baizik eta gutxi ezagutarazi dugulako horrelako trebezia duen artista gaztea. Oso txikitatik izan du musika gustoko Xabier Crehuet kantautore ordiziarrak. Trebatzen eman duen ibilbide luze eta zabalean, zenbait erreferente izan ditu berak, baita oraindik ere noski. John Lennon bezalako artistak esaterako, txiki-txikia zenetik mirestu izan ditu eta hauen ibilbideak, garrantzia handia lortu du artistaren egunerokotasunean.

Ostegun honetan Ataun Irratiko estudioetara gerturatu zaigu Crehuet eta bere ibilbidea gertuagotik ezagutzeko aukera paregabea aprobetxatu dugu. Ordiziarrak orain arte kaleratu dituen lanei erreparatu eta baita hemendik aurrera dituen asmoak zeintzuk diren ezagutu ere.

Hau guztia gutxi iruditzen baldin bazaizu, kantu bikain bat eskaini digu zuzenean. Bere gitarrarekin batera, irrati saio batean, bera izan da kantu bat zuzenean eskaini duen lehen artista.

Comments are closed.