Iñaki Artola

MIKROAREN BI ALDEAK – Iñaki Artola pilotari profesionala gertuagotik ezagutu dugu

Published On 24 uztaila, 2020 | By Mikroaren bi aldeak | Mikroaren bi aldeak

Nahikoberon zenbait gai izaten ditugu hizpide aste osoko goizetan zehar, baina gaurkoan kirol munduan murgiltzeko garaia heldu da. Horretarako, pilota kontuei heldu diegu eta Iñaki Artola 25 urteko gazte alegiarra izan dugu gurean. Esku huskako jokalari profesionala da bera. Asegarce enpresarekin aritzen zen lanean, eta 2014ko ekainaren 28an debutatu zuen profesionaletan Tolosako Beotibar pilotalekuan.

Pilotaria bere kolpe indartsuarengatik nabarmentzen da gehienbat. Debutatu zuenetik bost hilabete betetzerako, profesionaletako bere lehenengo titulua eskuratu zuen. Hau, Bigarren Mailako Lau eta Erdiko Txapelketa izan zen, finalean Jokin Altunari 22-8 gailenduta.

Gaur egun Baiko pilota enpresarekin egiten du bat, eta alegiarra lanean oso fin dabilela dirudi. Aurrelaria gurean izan da bere ibilbide profesionalaz hitz egiteko eta bere esperientziak kontatzeko. Elkarrizketa entzun gabe zaude oraindik? Egiozu tartetxo bat!

Comments are closed.