Podcast: Play in new window | Download
Mendebaldeko Sahararekiko elkartasun ekitaldia egingo dute gaur Bilboko Kafe Antzokian, Ali Salem Iselmu idazlearen Beduino bat Karibe aldean liburua aurkezteko aitzakiarekin. Erroa argitaletxeko Jabi Zabala Sahararen historiaz arituko da; Malainin Salama, gaurko egoera politikoaz, eta Itziar Iturri, Sahara eta Euskal Herriaren arteko elkartasunaz. Mohamed Embarek musikariak emanaldi laburra ere egingo du. Ba liburu horren ingurukoak eta ekitaldiari buruzkoak ekarri ditugu gurera, Bilbo Hiria irratiko koordinatzaile Mieltxo Monfortek Xabier Monasteriori egindako elkarrizketari esker.
