Podcast: Play in new window | Download
Xabi Solano Maizak Ereñotzu trikiti diskoa eta Trikitixa liburua II plazaratu berri ditu. Diskoko kantuen partiturak bildu ditu liburuan. Berezia da diskoa Solanoren hitzetan, kantu guztiak berriak direlako, eta berezia oso bere baitako kantuak direlako. Kantu guztiek dute loturaren bat haren bizitzarekin. Solanok berak sorturiko 5Gora zigiluak eta Elkar etxeak kaleratu dute lana elkarrekin. Xehetasunak gurera ekartzeko, Radiokulturako lagunek Durangoko azokan jasotako Solanoren hitzak izan ditugu entzungai.
