Podcast: Play in new window | Download
Hamabi egun pasatu dira 2016. urtean sartu ginenetik, eta ia bi aste igarota, une ona izan daiteke gogoratzeko adituek zer dioten ekonomiaren inguruan. Orokorrean hazkundeaz hitz egiten dute, nahiz eta munduko leku batzuetan hazkunde hori zaila izan. Irakurketa interesatuak ere egiten dituzte aurreikuspenak egiten dihardutenek sarritan. Eta horretaz hitz egin zuen, atzo, Yolanda Jubeto ekonomian adituak Bilbo Hiria eta Halabedi irratiek elkarlanean egiten duten Hizpidea magazinean. Haren hitzak bildu ditugu eguneko adierazpenen tartean.
