Podcast: Play in new window | Download
Laster izango da kalean Tipi-tapa, Korrika! Haizearen herrira Pirritx, Porrotx eta Marimototsen disko-liburu berria. Bitartean, baina, sareratu berri duten aurrerapen kanta entzun ahalko da. Tipi-tapa, Korrika! izena du abestiak, Uxue Alberdik idatzi du eta musika aldiz, Xabier Zabalaren ekarpena da. Igande honetan Hondarribiako Hondartza kiroldegian izango da ikuskizun berriaz gozatzeko aukera, Bidasoako AEK-k antolatuta. Sortu dutenaz hitz egin du Antxeta irratiko Maia Muruagak Jose Mari Agirretxe Porrotx-ekin eta haren hitzei egin diegu lekua gaurko irratien tartean.
