Podcast: Play in new window | Download
Atzoko irratien tartean Halabediko Jon Aranburuk aipatu zigun eran, errefuxiatuei buruzko jardunaldiak antolatu dituzte Gasteiz Irekia dinamikako kideek. Errefuxiatuak, eskubiderik gabeko pertsonak. Zer egin dezakegu? izenburupean, atzo hasi zen egitaraua Montehermoso Jauregiko Betolaza aretoan. Gaur, Aldabe gizarte etxean, Gosearen aurkako ekintza erakundearekin lanean aritu den Daniel Burgi kazetari eta argazkilariak eskainiko du hitzaldia, 19:00etatik aurrera, eta biharko ere badituzte zenbait ekintza aurreikusita. Horien berri Gasteiztik bertatik jasotzeko, Halabedi irratiko estudioarekin bat egin dugu, Igor Goikolea esatariak Gasteiz Irekiako Bego Oleagarekin hitz egin baitu.
