Podcast: Play in new window | Download
Hauteskunde kanpainaren barruan, eta Donostiako hurrengo udalbatzara begira, Bagera elkarteak lehian diren alderdi politiko guztiak batu nahi izan zituen Koldo Mitxelena Kulturguneko mahai-inguruan. Abiapuntu gisa galdera bakarra jarri zieten: “Zein da zure alderdiak datozen lau urteetan Donostian aurrera eramango duen hizkuntza politika?”. Miren Albistur PP-ko alkategaia ez zen mahairatu, baietza eman zuen arren, agenda arazoak izan omen zituelako. EHBilduren izenean Nerea Txarartegi kultur zinegotziaren partaidetza zegoen iragarrita, baina Juan Karlos Izagirre alkatea joan zen. PlaZ! alderdi feministatik Josebe Iturrioz, PSE-tik Duñike Agirrrezabalaga, EAJ-tik Miren Azkarate eta sortu berria den Irabazi Donostiatik Sabin Zubiri. Eman zituzten erantzunei tiraka aritu gara gaurko tertulian, bi solaskide finekin: Itziar Arteaga eta Izar Mendiguren.
