Gaurko Soinugelan hiru gauza ezberdin ditugu, baina denek dute komunean kultura gutxiagotuen adibideak direla, euskal kulturarenak zein gaelikoarenak. Hasteko, Sopelako Martia bikote berriak bere estreinako grabazioa ekarri digu, Zeru oro urez izenekoa. Jarraian, telefonoz, Joseba Tapia musikari handia elkarrizketatu dugu, Koldo Izagirre olerkariak egindako Mr. Eleizegi lan berriari buruz. Handik hainbat kantu entzun eta komentatu ditugu Tapiarekin. Bukatzeko, Belfast aldera egin dugu, Irlandara, Kneecap taldearen Fenian izeneko bigarren bilduma entzutera. Folketik abiatu eta raperainoko bidea egin dugu, beraz, gaurkoan.
Entzun ditugun abestiak:
- Mitxoleta (Martia, 2026)
- Arrunta (Tapia eta Izagirre, 2025)
- Altzoko sermoia (Tapia eta Izagirre, 2025)
- Lady Sagar (Tapia eta Izagirre, 2025)
- C’est fini (Tapia eta Izagirre, 2025)
- Fenian (Kneecap, 2026)
- Palestine (Kneecap+Fawzi, 2026)
- Eíre Go Deo (Kneecap, 2026)
- Carnival (Kneecap, 2026)
The post SOINUGELA: Joseba Tapiarekin hizketan, Martia eta Kneecap first appeared on Bilbo Hiria irratia.
