BERBAZ: Garbi Sustraiak Catering, sukaldetik mundua eraldatzen

Azukrerik gabeko postreek zelan egin?

Zer prestatu dezakegu ospakizunetarako, ekologiko, barazkijale edo begano egin nahi izatekotan?

Tailer bana antolatu dutte Sustraiak Catering-ekoek, Hika Ateneon, abenduaren 1 eta 15erako.

Garbi etorri zaigu azalpenak ematen, berri politak oparitzen dituenaren argitasunaz. Hazte aldian direla, berbizte bat, esan dezakegu, 2014an irratian izan genituenetik, gora-behera ugari, eta aurten, itxialdi betean zehar, euren proiektua zabaldu eta tinkotu egin da. Errotik-ekoekin bat eginda, 6 andrak osatutako kooperatiba orain.

Eta crowdfunding betean, zabaldu berri duten egoitza (Mazustegi, 2, Santutxu, Bilbo; denda izateaz gain, obradore-sukaldea, bulego, topagune, 200 m2 bizi-bizi), berau prestatzeko gastuen zuloa betetzeko.

Hasierako ildotik (agroekologia; sukaldaritza barazkijalea eta beganoa; elikadura burujabetza; andrazkoak erdigunean), eta asmo berriekin. Migratutako andrak gurean etxe egiten lagunduko dute, enplegua eta ahalduntzea bide, administrazioekiko lankidetzan.

Etxera eramateko jaki, bertan astiro sukaldatuak, sasoikoak: bertako andrazko ekoizle txikien produktua; ikastaroak aldika, eta sortuko diren ekimenak.

Usaindu daiteke-eta, bizitza bera sukaldatuko dela bertan. Zabalik bizigune berria jada,, han, Laborekoen ondoan, zeinek uko kuku bat egiteari?

Kantak:
Elektrizitatea (Zea Mays)
Hazia (Ningra)

Erreferentziak:
www.sustraiakcatering.com
https://www.goteo.org/project/sustraiak-catering (CrowdFunding kanpaina)

Deskargatu hemen.

The post BERBAZ: Garbi Sustraiak Catering, sukaldetik mundua eraldatzen first appeared on Bilbo Hiria irratia.

Hurrengo podcasta

Burdinola x 9

al. Abe 21 , 2020