Podcast: Play in new window | Download
Joxean Artzek idatzitako Gure bazterrak poemaren hariari tiraka, Euskal Herriko artista handien lanbrotan ezkutatutako bazterrak arakatzen aritu da Ismael Manterola arte historialari eta idazlea. Lan horren emaitza bildu du Maite ditut maite. Transmisioa XX. mendeko Euskal Herriko artean saiakera liburuan. Intuiziozko lana osatu du egileak bere hitzetan, eta Euskal Herriko arteari buruzko gogoetak hedatu nahi ditu. Baina xehetasun gehiago gurera ekartzeko, Bilbo Hiria irratiko koordinatzaile Ane Zabalak egin dio elkarrizketa Manterolari.
