Podcast: Play in new window | Download
Shaolin faltsua ezizena eman zioten hedabideek Juan Carlos Aguilarri bi emakume hil zituela jakin zenean. Asiako erlijio horretako buruzagia zela esatean gezurretan zebilela aditzera ematen du horrek. Auzia, ordea, bi emakume hil zituela da. Shaolin faltsua izendapenarekin ohiko gizonengandik bereizi zutela uste du Maria Gonzalez Gorosarri kazetari eta ikerlariak; baita emakumeen aurkako indarkeria erotizatu egiten dela ere, sistema horretara moldatu dela. Akaso, horren adibide izan daiteke arrakasta dezentea izan duen Greyren 50 itzal trilogia, batzuek matxistatzat dute, besteek diote urrunegi jotzea dela. Gaiaren inguruan hausnartu dugu tertulian, bi solaskide finekin: Itziar Arteaga eta Izar Mendiguren.
