Podcast: Play in new window | Download
No Other Land dokumentalak Basel Adra palestinarra jarraitzen du, Masafer Yattako bere herria armadaren eraiste eta kanporaketen aurrean defenditzen saiatzen den bitartean. Istorioan, Yuval Abraham kazetari israeldarrarekin egiten duen lankidetzak bi munduren arteko alde handia erakusten du: Basel okupazioaren eta ziurgabetasunaren erdian bizi da, eta Yuvalek, berriz, askatasunez mugitzeko aukera du. Dokumentalak biek elkarrekin injustiziak salatzeko egiten duten ahalegina kontatzen du.
Gernika Palestina Herri Ekimenak bultzatuta, dokumentala lehen aldiz euskarazko azpitituluekin ikusteko aukera izango da. Azpitituluak auzolanean sortzen aritu dira, eta honen inguruan gehiago jakiteko Zebrabidean izan dira Lide Azkue Elhuyarreko kidea, eta itzultzaile lanetan aritu diren Aritz Santamaria NAIZ Irratiko lankidea Zebrabideako kolaboratzailea eta Patxi Gaztelumendi.
