Podcast: Play in new window | Download
Aurtengoan, Agerkarien Tartean, astero izango ditugu ARGIAko lagunak Zebrabidea gurutzatzeko prest. Aste honetako gai nagusiaren berri eman digu Urko Apaolazak. Hala dio azpitituluak:
‘Javier Mileiren motozerrak Argentinan hiru urte eskasean eragin duen triskantza sozialak fracking garabiaren mugimendu erritmikoa dakar gogora: sakoneraino sartzen du hodia, ongizate estatuaren zainak apurtu eta odol beltza zurrupatzen du. Nazioarteko Diru Funtsarekin zorretan itota plata beharrean dagoen herrialdean, Patagoniako lurpetik petrolioa ateratzeko Vaca Muerta megaproiektua promesa faltsuak isurtzeko moketa gozoa bihurtu da kapitalista ustezko libertarioentzat. Han izan gara, OMAL behatokiak antolatuta, Euskal Herritik joandako eragile eta hedabideak, bertakoen ahotsa entzuteko’.
