Gure Irratia Lapurdiko tokiko irrati euskalduna da, 1981ean sortua, euskarazko ahotsa eta mezua lurraldean zabaltzeko xedez. Hasieratik, irratiaren xedea argia izan da: euskararen baliapena azkartzea, euskal kulturari oihartzuna ematea eta tokiko komunitatea informatu eta elkarretaratzea. Azken urteetan ordea, xede horri heltzea zaildu egin da. Izan ere, diru eskasiari aurre egiten aritu da Gure Irratia. Eta oraingoan horri aurre egiteko, “IRRATIA GIRA” komunitatea sortu dute. Honen inguruan gehiago jakiteko Zebrabidean izan dugu Marga Forestier, elkarteko administratzailea.
