Hau historikoa da

Patan_Lalitpur

Hain kamiseta horia jantzi ez balu, nekez ikusi ahal izango genuen, ke artean. Azal eta fraka ilun. Lanean ari da, atzean bere ardura duena begira-begira ari zaiolarik.

Halaxe gogoratzen ditugu joandako irudiak, keaz estalita bezala, apur bat nahasi. Memoriak estalkiak jartzen dizkie denborak atzean utzi dituen irudiei. Lausotu egiten ditu. Ketan biltzen ditu. Unean uneko arnasez berotu beharrak eskatzen duen ahaleginez, halaxe saiatzen gara ikusten berritutako irudiak, begiak marra bihurtuta, fokalizazio-ariketa tenporalen bidez.

Nepalekoa da argazkia, Lalitpurrekoa (gaur egun Patan deitzen diote). Badu zerbait. Umearen begirada ikusten da, baina ez da ikusten. Atzean duen amaren begirada gehiago ikusten da, baina hala ere ez da ikusten. Badu zerbait, gure begiradatik ere. Nork begiratzen zaituen ikustea oraindik ez baita erraza.

Hurrengo podcasta

Txibierroak uluka #25 Barbie enprendedoreak, Jesusa Rodriguez eta Asistentzialismoa

al. Abe 22 , 2014