game-erauntsia

Gothic 1 Remake-k originalaren eurojank esperientzia eraberritzea lortu du

Bartzelonako Alkimia Interactive klasikoa osorik berregin du. Xbox-ek berregituraketa handiarekin jarraitzen du.

Analisi berria prestatu dugu Game Erauntsian, oraingoan, benetan maite dugun klasiko baten berregitea hizpide hartuta. Gothic 1 Remakek esperientzia originala mantendu du, aldi berean, denetariko berritasunak inplementatuta.

Garapen luzeko proiektua izan da, hain zuzen, Alkimia Interactive taldearentzat. Zaleei jaramon egin ondoren, aldaketa handiak ikusi ditu bideojokoak, azkenik, Unreal Engine 5 garapen motorearekin sortutako berregite fidela izateko. Berrikuntzak ez dira atal grafikora mugatzen, ordea, eta horiek aztertu ditugu gure saioan.

Albisteei helduta, Xbox da aste honetako protagonista handia. “Berrabiatze” handiaren bigarren pausoa aditzera eman dute arduradunek: 268 langile kaleratuko dituzte, bidean estudio desberdinak berregituratuta, edo, zuzenean, deseginda. Halo Studios, Activision, Bethesda, Obsidian, Rare, World’s Edge, Turn 10 eta Playground Games estudioiei eragin diete oraingoan, beste hainbaten artean.

Albiste pozgarriagoei begira jarrita, euskarazko hiru bideojoko ezagutu ditugu oraingoan. Lehena, Game Erauntsia Elkarteak euskaratutako Super Mario Bros. Remastered da, hainbat berrikuntza inplementatuta Nintendo-ren plataforma abentura klasikoan; bigarrena, Making Enemies estudioaren Scholar Adventure: Lost Night abentura grafikoa da. 2027an helduko zaigu gure hizkuntzan; bukatzeko, Gaua Games bilbotarrak Darby is Here Forever argitaratu du azkenik. Gure hizkuntzan ikusteko hurrengo eguneratzeari itxaron beharko diogu, baina laster gozatuko dugu banpiro txikiaren plataforma jokoaz euskaraz.

Hurrengo podcasta

Txusma Azkona: Ana Tardosen lana balioan jarri nahi izan dut

al. Urr 5 , 2026
Pribatutasun politika

Web honek cookie-ak erabiltzen ditu ahalik eta erabiltzaileei esperientzia onena eskaini ahal izateko.

Cookie-en informazioa zure nabigatzailean biltegiratzen da, eta hainbt funtzio betetzen ditu, hala nola gure webgunera itzultzen zarenean zu ezagutzea edo webguneko atal interesgarri eta erabilgarrienak aurkitzen laguntzea.

Pribatutasunari, legezko eskubideei eta cookie-ei buruzko informazio guztia duzu gure pribatutasun-orrian zein cookie-etan