Podcast: Play in new window | Download
Analisia eskaini diogu The Pixel Hunt frantsesaren obrari. Steam Frame VR gailuak estreinatu ditu Valve-k.
Wednesdays iaz estreinatutako bideojoko txiki bezain gogorra da. Haurrei egindako sexu abusu kasuei oihartzuna eskaintzeko, eta kontzientziazio lanak egiteko prestatu zuten The Pixel Hunt taldeko garatzaileek.
Tim izeneko gaztearen erabakiak gidatuko ditugu abentura narratiboan. Orko Park izeneko bideojokoa probatzen hasita, haurtzaroko oroitzapenak gogoratzen hasiko da, etxean bizitako arazoak azaleratuta. Kontatzen eta proposatzen duena aztertzeko analisia eskaini diogu titulu interesgarriari.
Erakargarriak dira, baita, Valvek azkenik merkaturatu dituen Steam Frame errealitate birtualeko gailuak. Egungo VR esperientziarik onena eskaintzeko prest datoz; hala eta guztiz ere, prezioak ez du erosterakoan laguntzen. Berritasunak errealitate birtualetik haratago doaz, hori bai: Steam ARM-ek eta FEX zein Lepton bateragarritasun geruzek bideojokoen mundua hedatzen lagunduko digute.
Tokyo Game Show azokaren 2026. urteko ekimenera begira jarri gara, baita. Iragarpenak, erakusmahaiak eta bideojoko japoniarrak nahiz asiarrak izan dira protagonista, ezusteetarako txokoa egonda.
Bukatzeko, euskarazko bideojokoei begira jarri gara. Oraindik kaleratu gabe, baina bi titulu gure hizkuntzan iritsiko direla jakin dugu. Lehena, Unclouded da, Praenaris estudio donostiarraren dragamina erako obra interesgarria. Bigarrena, dadoak eta apustu odoltsuak agintzen dituen The Zibbo Show dugu: kasu honetan, Tessera Studios madrildarraren jokoa dugu.
