Podcast: Play in new window | Download
Hilabete berrian sartzerakoan sarritan esaten dugu bideojoko interesgarriz beteta dagoela, badakigu. Urrian ere gauza bera gertatuko da, baina, benetan, oraingoan datorren zaparrada ikusteko modukoa da.
AAA joko ugari jasoko ditugu: PlayStation-en Ghost of Yōtei, Ghost of Tsushima-ren jarraipena estreinatu du PS5ean; EA, bestalde, Battlefield 6, Keeper, The Outer Wilds 2 edo Ninja Gaiden 4 bezalako titulu handiekin dator; Super Mario Galaxy 1+2 zein Pokémon Legends: Z-A dira Nintendo-ren hilabeteko jokoak; bukatzeko, obra independenteen aldetik Absolum, Dispatch edo Ball x Pit bezalako roguelike proposamen interesgarriak datoz.
Hile indartsua, ezta? Ba gehiago ditugu agendarako: Digimon Story Time Stranger, Once Upon a Katamari eta Vampire: The Masquerade – Bloodlines 2 ere estreinatuko dira, besteak beste.
Berri onen artean, askori estreinaldi hauek lehen egunean probatzea oztopatuko dien albistea iritsi zaigu Xboxekoen aldetik. Xbox Game Pass zerbitzuan aldaketa handiak iragarri eta inplementatu dituzte, nagusiki, Ultimate harpidetzaren prezioa nabarmen areagotuta.
Game Passetik diru gehiago lortu nahian dabiltzala, ohiko mahaigaineko kontsolak alboratu nahian ari direla dirudi. Hurrengo belaunaldia Xbox kontsolen azkena izan daiteke… baina, zer ote dator atzetik?
