Podcast: Play in new window | Download
Torturak kontatu, eta akusatutako guardia zibiletatik hiru ezagutu zituen Sandra Barrenetxeak atzoko auzi saioan. Orain arte adierazitakoa berretsi zuen Barrenetxeak deklarazioan, eta torturak eta sexu erasoak salatu zituen. Istanbulgo Protokoloaren emaitzen arabera, haren kontakizuna “guztiz sinesgarria” da. Gai hori ekarri du Bilbo Hiriako koordinatzaile Ane Zabalak gaurko irratien tartera. Horrez gain, Bilboko garraio publikoan ezarritako tarifa berriek eragin duten prezioen garestitzeari aipamena egin dio. Amaitzeko, Loraldia festibalaren barneko agendari erreparatu dio.
