Podcast: Play in new window | Download
Urtarrilaren 31n urtea beteko da Etxarri Aranatzetik Arbizura zihoala auto batek Arbizuko gazte bat harrapatu eta hil zuela. Gidariak ihes egin zuen. Senide eta lagunek urteurrena gogoratzeko larunbaterako ekitaldia antolatu dute eta horren berri ekarri du Sakanako Beleixe irratiko Maider Beteluk gaurko irratien tartera. Horrez gain, Altsasuko gazte auzipetuek gaur Iruñean eta bihar Altsasun bertan aurkeztuko duten manifestuaren berri ere eman du. Irurtzungo Udalak abian jarritako partaidetza prozesuez eta Sakanako pilotarien festaz ere hitz egin du Beteluk. Amaitzeko, asteburuan Sakanan ikusgai izango diren antzezlanak aurreratu ditu.
