Podcast: Play in new window | Download
Internazionalismo eta elkartasun kontuak dakartzagu Zebrabideko bigarren zatiaren hasiera honetara. Arabako Kanpezu herrian Palestinarekiko elkartasun dinamika jarri baitute abian. Helburua honakoa da: datorren ekainean, Kanpezuko Udalean BDZ kanpaina deritzonera, Israelekiko boikotaren, desinbertsioen eta zigorren aldeko kanpainara atxikitzeko mozioa onartzea, hain justu. Horrekin batera hamaika ekitaldi antolatu dituzte herritarren artean Palestinako egoeraren eta BDZ mugimenduaren inguruko informazioa gizarteratzeko, eta horien berri jaso dugu, Halabedi irratiko esatari Igor Goikoleak Askapenako kide Julen Zulaikari egin dion elkarrizketarekin.
