Podcast: Play in new window | Download
Eguna eta lekua jarrita daude; urriak 4, Usurbilen. Helburu ekonomikoa, zehaztuta; dagoeneko egina dagoen eraikin berriaren karga ekonomikoa arintzea. Baina Kilometroak egun bateko festatik eta behar ekonomiko batetik haragoko gertaera da, herri osoa pizten eta mugiarazten duena. Usurbilen kasuan, bost hankako mahaia da marraztu duten proiektua, bost zutoinen gainean aritu baitira urte osoan gogoetan eta lanean: hezkuntza, jasangarritasuna, parekidetasuna, inklusibitatea eta auzolana. Horien zergatiaz, igande honetako festan izango duten presentziaz eta abarrez hitz egiteko, Mariaje Imaz Udarregiko zuzendaria gonbidatu dugu Zebrabidera.
